Wishes : இன்று திருமணம் - அதிஷா (எ) வினோத்குமார் !

இன்று 18 பிப் 2010, மாசி 6, வியாழன், காலை இந்திய நேரப்படி 7:30 - 9:00 மணி அளவில் பெயர் பெற்ற பதிவரும், எழுத்தாளர், செய்தியாளர் மற்றும் எனது பலரது அன்புத் தம்பி அதிஷா என்கிற வினோத் குமாருக்கு M கல்பனாவுடன் திருமணம் நடை பெற இருக்கிறது.

நற்தமிழ் பதிவு கூறும் பதிவர் நல்லுலகம் திரண்டு வாழ்த்துமாறு கேட்டுக் கொள்கிறேன்.

பதிவர்கள் யுவ கிருஷ்ணா (லக்கிலுக்), சஞ்சய் காந்தி, கோவை அண்ணாச்சி மற்றும் கோவை, திருப்பூர் பதிவர்கள் அனைவரும் திருமணத்தில் கலந்து கொண்டிருப்பார்கள், அவர்கள் யாரையேனும் அலைபேசியில் தொடர்பு கொண்டு மணமகனுக்கு நேரடியாக வாழ்த்து சொல்லுவோர் சொல்லலாம்.

அதிஷாவை தொடர்புகொள்ள : +91 9884881824

வினோத்குமார் - கல்பனா இணையர்கள் என்றும் அன்புடன் இன்புற்று வாழ்க! வாழ்க !!

அன்புடன்
கோவியார்

wishes - யாத்ரா

(புகைப்படத்திற்கு நன்றி: திரு. பொன் வாசுதேவன்)

இன்று (16-02-2010) மணநாள் காணும் நண்பர் கவிஞர் யாத்ராவிற்கு எங்களின் இனிய திருமண நாள் நல்வாழ்த்துக்களை தெரிவித்துக் கொள்கின்றோம்.

இவரது கவிதைகளிலிருந்து எனக்குப் பிடித்தமான ஒரு கவிதை...

வெளியில் நல்ல மழை

தாயம் சீக்கிரத்தில் விழாது
அஞ்சாங்காயில் போய்விடும்
பல்லாங்குழி கொப்பரை வராது
ஒற்றையா ரெட்டையா
யூகம் தவறாகவேயிருக்கும்
சிவப்பிற்கு துணை விழாத கேரம்
எப்போதும் கறுப்புக் காய்கள் தானெனக்கு
சதுரங்கத்திற்கு தந்திரம் பற்றாது
சீட்டுக்கும் அதுவே
புலம் பெயர்ந்த
சக ஆட்டக்காரிகளின்
பட்டப்பெயர்கள் நிழலாட
அனிச்சையாய் இதழ் மலர
சூடான தேனீருடன்
சாய்வு நாற்காலியில்,,,,,,,,,,,

வெளியில் நல்ல மழை

இனி பட்டப்பெயர்களையெல்லாம் மறந்துடுங்க மாப்ள... :-)))

Wishes: துளசி டீச்சர்! பிறந்த நாள் வாழ்த்துக்கள்!

இன்று பிப்ரவரி 5 தனது பிறந்தநாளைக் கொண்டாடும்...

* தமிழ் இணையத்தின் தானைத் தலைவி...
* பின்னூட்ட வித்தகர்....
* பதிவுலக நல்லாசிரியை,
* கலாச்சாரத் தூதுவர் (Cultural Ambassador),
* அனைவருக்கும் டீச்சர், மாதாமகி
* ஆயிரம் பதிவு கண்ட அபூர்வ சிகாமணி
* அமெரிக்கா, ஐரோப்பா, ஆசியா, ஆர்டிக்கா, அன்டார்டிக்கா,ஆவுஸ்திரேலியா, ஆப்ரிக்கா என்று எல்லாக் கண்டங்களிலும் பிரபலமான ஒரே டீச்சர்,

******** எங்கள் துளசி டீச்சருக்குப் பிறந்த நாள் விழா!



விழாவில் கலந்து கொள்ளும் அனைவருக்கும் டீச்சரின் துளசி தள ஸ்பெஷல் கீரை பக்கோடாவும், ஜாங்கிரியும் வழங்கப்படும். அதோடு துளசியானந்தாமயி வழங்கும் துளசி தீர்த்தத்தையும் அருந்தி அமைதியாக வாழ்த்தி விட்டு செல்லும்படி அன்போடு கேட்டுக் கொள்கின்றோம்.



இனிய பிறந்த நாள் வாழ்த்துக்கள் டீச்சர்!

பல்லாண்டு பல்லாண்டு பல்லாயிரத்தாண்டு
பல பதிவு நூறாயிரம்
சொல்லாண்டு துளசி மணம் கமழ
நல்லாண்டு நாளும் இருக்க வாழ்த்துகின்றோம்!

பிறந்தநாள் வாழ்த்துக்கள் - இனியவள் புனிதா

இன்று (01-பிப்ரவரி-2010) பிறந்தாநாள் காணும் அக்கா புனிதாவுக்கு இன்று போல் என்றும் வாழ்க்கை இவரைப்போலவே இனிமையாக இருக்க வேண்டுமென இறைவனை பிரார்த்திப்போம்.



உள்ளம் கனிந்த பிறந்தநாள் நல்வாழ்த்துக்கள். :-)

(நம்புங்க) நிஜமா நல்லவர் பிறந்த நாள்

இன்று பிறந்த நாளை வெகு சிறப்பாக சீரோடும் சிறப்போடும் கொண்டாடுகிறார் எமது சங்கத்தின் சிங்கப்பூர்க் கிளை தலைவர் நிஜம்ஸ், நிஜமா நல்லவன் பாரதி அவர்கள். அவருக்கு இப்படி ஏகப்பட்ட பெயர் இருந்தாலும் இன்னும் தன்னை அதற்குத் தகுதியாக்கத் தொடர்ந்து போராடுவதாகக் குறிப்பிட்டிருக்கிறார். குறிப்பாக தமிழில் எழுதிப் போரடிச்சு ஹிந்தியில் பதிவு எழுதியிருக்கிறார். ஆயிரத்தில் ஒருவன் படத்தின் இறுதிக் காட்சியை வலையுலக வரலாற்றில் முதன்முறையாக வீடியோவாக வெளியிட்டு புரட்சித் தலைவர் ரசிகர்களின் கடுப்பையும் சம்பாதித்திருக்கிறார். பேஸ்புக்கில் தோட்டம் வச்சு மெகா வசூலைச் சம்பாதிச்ச பூரிப்போடு இப்போது மீன் வளர்க்கிறார்.


அவர் தன்னை ஒரு கடுமையான இலக்கியவாதியாக நிலைநிறுத்த எடுத்த முயற்சிகளில் ஒன்றே மேலே அவர் கைப்பட எழுதிய புனைவு ஒன்று


இவ்வளவு பெருமைகளைத் தனதாக்கிக் கொண்ட நிஜமா நல்லவர் தொடர்ந்தும் சீரோடும் சினத்தியோடும் வாழ வாழ்த்தி நாம் தரும் பாடல்
"தோட்டத்தில பாத்தி கட்டி பார்த்திருக்கேன் பார்த்திருக்கேன்"

பிறந்தநாள் வாழ்த்துகள்-பாலகுமாரன்,வத்திராயிருப்பு

இன்று பிறந்தநாள் காணும் பாலகுமாரன்,வத்திராயிருப்பு தம்பிக்கு எங்களின் வாழ்த்துகள்!

இனிய பிறந்தநாள் வாழ்த்துகள்!! :-)

Wishes - ஆயில்யன்

வலையுலக பிரம்மாக்களின் தோழரும், எங்கள் சங்க தலைவருமான நண்பர் ஆயில்யன் இன்று (05-ஜனவரி-2009) 17 வது வயதில் இருந்து 16 வது வயதுக்கு திரும்புகின்றார். என்றும் தனது 18 வயதை தொடாமல் இளமையுடன் பல்லாண்டு வாழ கத்தார் பதிவர்கள் சங்கம் சார்பாகவும், சங்கம் சார்பாகவும், இன்னும் நண்பர்கள் சார்பாகவும் வாழ்த்துகின்றோம்.




மேற்கண்ட போட்டோ எடுக்க பல புகைப்படக் கலைஞர் இணைந்து மேற்க்கொண்ட புராஜெக்ட் பற்றி அறிய குசும்பனின் இந்த பதிவைப் பார்க்கலாம்.